Akhir taun 2008 akeh banget tanggal abang, tanggal kejepite uga ora kalah akehe, mulane akeh perusahaan sing san nggawa mreikna karyawane.

Preian akhir taun siki di kawiti tanggal 25 desember 2008 tekan 5 januari 2009, jyan suwe banget mbok?

Hayuh sedulur mumpung preian pada tilik ndesa, pada sowan meng wong tuwa senajan udu badan.

Wis lumrah nek bocah cilik senenge dolan karo dolanan. Ora mbiyen ora siki padabae. Mung bedane dolan lan dolanane bocah cilik siki wis serba instan, wis nganggo tekhnologi canggih nek jaman mbiyen serba alami, mawi gawe disit, jarang banget sing tuku.

Ingon-ingon ya beda, nek jaman siki bocah cilik ingon-ingone hape sing ngentek-ngentekna duit, nek jaman mbiyen paling ingon-ingone dara, manuk, apa jangkrik.

Nek dara biasane tuku, tapi nek jangkrik karo manuk mung gari nggolet nang gunung, karangan utawa nang sawah. Nek manuk sing di golet susueh, modele di thengi (diaku) sit, Sing weruh pertama statuse chin, nduwe hak anak manuk sing paling gede. Nomer loro statuse ron, kebagean ngunduh manuk, nek susueh nang wit sing duwur berarti kon menek. Nomer telu statuse lun, nomer papat pan lan seteruse.

Nomer telu mengisor kadang ya ra kebagean apa-apa. Istilah chin, ron, lun mbuh sekang ndi asale, ngerti-ngerti istilah guwe wis di enggo nang bocah-bocah cilik nang Bangsari, mbuh nek nang daerah-daerah liane enyong ra ngerti.

Nek nggolet jangkrik biasane mangsan-mangsanan. Umume nang mangsan ketiga, utawa nang mangsan wong tani agi nandur palawija. Carane nggolet bisa awan bisa mbengi, nek nggolete mbengi jenenge obor jangkrik.

Ora awan ora wengi pada bae cara nggolete, yaguwe mbongkahi lemah, mung nek awan untung-untungan, soale ora mesti lemah sing di bongkah ana jangkrike. Nek wengi, sedurunge mbongkah lemah, jangkrike di incim gisit, sing diincim suarane, mengko nek wis genah sumber suarane nembe dibongkah lemaeh.

Jangkrik sing paling disenengi yaguwe jangkrik sungon. Nek kaya cliring, clekithet uga disenengi, mung esih kalah nek di bandingna karo jangkrik sungon. Jangkrik sing disengiti kaya gedubur karo gendawang, soale rupane medeni tur ngengkrike ora apik.

Ana salah siji sawah nang bangsari sing dienggoni jangkrik akeh banget. sawaeh nang kidul sier, mbuh ndeke kaki sapa enyong ra ngerti. Sebab jangkrike akeh banget mangkane samben ndina nggo jag-jagan bocah sing pada ngaraih jangkrik, ora isuk, ora awan ora sore. Padahal nang sawah guwe anan tandurane pare. Dadine tandurane pare rusak terus sing ndadekna wong sing duwe sawah kesuh.

Enyong pernah ketiban sial. Isuk-isuk agi nggolet jangkrik nang sawah guwe, denger-denger konangan nang sing nduwe sawah. Jalaran wis banget kesueh mbok, langsung bae wong guwe ngoyok sekabehane bocah sing agi pada nggolet jangkrik karo ngacung-ngacungna arit. Bocah-bocah termasuk enyong pada keweden, pada mlayu kocar-kacir ora nggenah. Wis ora ndelengna sawah sing lungkane amba-amba, sing penting slamet.

Duh pak nyuwun ngapurane nggeh, wong jenenge bocah ya ngertine seneng. Ayuh kang pada nggolet jangkrik, tapi aja ngerusak tandurane wong.

Wis 2 wulanan kie aku rung bali meng bangsari, padahal wis kangen karo rama biyunge, wis kangen karo keluarga nang bangsari.

Kebeneran awal bulan mei ana hari libur, posisine nang dina kemis maning, ketone koh enak temen ya nggo bali meng ndesa. Dina jemuah wong kadar harpitnas tulih mbolos ora papa mbok.

Tapi jyan ndilalah kerjaan ya ana bae sing kudu enggal-enggal dirampungna, ya wis sidane ra sida bali, padahal wis koar-koar karo kanca-kancane je, maune arep rencana ngumpul-ngumpul, ndopak-ndopok dadi ra sida, ya wis lah kapan-kapan maning lah, kadar tanggal 20an wulan kie kan ana preian maning, posisine padabae maning dina selasa, dadi senene bisa dianggap harpitnas.

Moga-moga ora ngalami nasib serupa kaya rencana bali siki.

Anu agi langka bahan sing arep ditulis, dadi mandan jarang ngeblog. Ketambahan maning gawean agi pirang-pirang, tapi sing paling sering dilakoni ya ceting.
Terus nang kampus agi musim ujian. Jyan kuliah koh dela-dela ujian. Ngesuklah nek pikirane agi mandan nyante ngeblog maning

Kaya giye mbok yah rasane dadi wong sugih, jyan kepenak pisan koh. Awan-awan ngerungokna gendhing banyumasan karo nginum kopi, srupuuutt…hmmm mantabb

Ceritane aku wingi bar mbukak database-e milis banyumasan, terus nang kono nemu file mp3 lagu-lagu banyumasan. Lagu sing faforit nek menurutku sing kae lah sing tentang baturaden.

“Senajana ana nang pegunungan…..

(teruse ora ngerti)

baturaden baturaden

ati susah bisa dadi bungah

ati susah dadi bungah”

Kaya guwe lah syaire, tapi aku ora apal kabeh. Mbok ana sing ngerti syaire ngenehlah aku njaluk.

Basa kerungu lagune dadi kemutan jaman SMA mbiyen. Pas kelas telu aku kos nang sanding sekolahan. Sing nduwe umah wonge wis tuwa, saben ndina unin-unine nek ora wayang ya banyumasan utawa peang-penjol. Duh, dadi kemutan nganah-nganah ya, kang Ihaq, kang Eko Cahyono, Kanca-kanca SMU Negeri Sidareja, hmmm…

“kerjaa!!!!! ngeblog mulu….”

gubraaaakkk…

“oh iya pak, gak ini cuma iseng-iseng eh cuma baca eh cuma bla bla bla”

Mau isuk pertama mbuka detik.com aku mandan kaget sekaligus bersedih. Isi berita didominasi karo berita tentang kematian tokoh politik negara pakistan sing jenenge benazir bhutto, mawi matine sebab perkara sing menurutku ora lumrah. Bhuto mati merga dipateni nang wong sing urung jelas identitase. Nek ora kenang bom ya merga ditembak.

Jan wong-wong deneng koh ya senenge pada pethakilan bae ya, apa ora bisa pada urip guyub rukun. Pada bareng-bareng mbangun negara lan bangsane. Nek pada-pada sebangsa wis pada paten-patenan sih kapan bisa maju negarane.

Moga-moga bae nang indonesia ora kedaden peristiwa sing kaya guwe lah. Andamaning giye nang indonesia delamaning arep ana pemilu, sik tak jaluk ya aman-aman bae lah. Ari nuruti nafsu sih karuan kepengine pada gelutan bae. khususe wong-wong nom guwe, tapi mbok ya eling karo anak putu ngemben. Nek siki esih mikir gelutan bae tulih tekan jamane anak putune dewek ngemben bangsane dewek esih sengsara bae.

Aku wingi bar bali meng ndesa, giye malah nembe tekan mambengi, jan jane ya esih ngantuk wong mambengi nang sepur ora kebagian tempat duduk alias berdiri dadi susah turu. Senajana kaya guwe aku tetep mangkat kerja, wong mbok domaih nek ora mangkat. Sekang ndesa jajane saleh gedang karo pelem, tapi wis entek kadangan luh wong nggawane ora akeh sih.

Jebule nang jakarta sing seneng saleh gedang akeh luh. Buktine saleh sing tak gawa nang tempat kerjaku langsung entong, padahal aku nggole nggawa ana sejinah. tapi ketone sing masarna saleh nang jakarta esih langka, padahal giye peluang apik luh kanggo wong sing arep usaha, san nggawe ngenalna panganan tradisional ndesa. Tapi ya guwe, sing jengenge usaha rintisan nek ora kesel ya ora minthel.

Pas aku nang ndesa agi mangsan tandur, siki mangsan tandure jere wong tuwa mundur karo taun-taun sedurunge, nek jaman ndisit masan tandur mbarengi karo mangsan pelem pada kembang tapi siki peleme wis pada panen nembe pada mulaih tandur. Tak takoni sebabe bisa mundur nangapa malah ora ngerti. Apa ngganeh giye akibat sing jere wong2 pinter di arani global warming? nek iya ya melasi wong ndesa lah, lah wong ora melu-melu malah kenang getaeh. Wong ndesa mbok ora melu-melu ngerusak lapisan ozon, lah wong umaeh esih nganggo dabag udu kaca, paling nek liwet thok mandan ngebul kukuse, be sedine paling akeh ping pindo.

Mangsan tandur siki uga ora pada karo jamane aku esih cokan dolanan blodor karo poncos, siki nggolet wong sing gelem embret tandur angele oraetung. siki wong nom-nomane ora pada gelem embret tandur karo ndaut, sing esih gelem paling wong-wong tua thok, sing wis ra perlu kemayu karo gemantheng, nek wong nom ya mbok wedi ireng karo kotor. Padahal pengenomane akeh sing nganggur, nganggur tapi mulya, buktine gawanane ya hp, mbuh guwe duit sekang ndi.

<p

Mulane siki upah buruh nang sawah dadi mandan larang. embret macul utawa ndaut sedina Rp 20.000,- tapi ora madang, nek madang sedina dibayar Rp 18.000,-. Nek sing tandur dibayar Rp 16.000,- diwei kojong, Nek ora diwei kojong sedina Rp 18.000,-. Emes-e ya melu-melu mundak, urea sekandi isi 50 kilo wis Rp 70.000,- nek TS luwih larang maning, sekandhi isi 50 kilo regane Rp 125.000,-. Padahal nek seprapat bau seora-orane enthok emes sekandhi.

urung sing nggo mbayar tlaktor, nggo ngupaih sing matun esih perlu duit maning. Nek di itung-itung wong tani mbuh bathi mbuh rugi luh.

gambare sekang kene

Owalah …cempuleke wong-wong banyumasan sing pada rajin nulis nang internet wis akeh ya. Jan enyong ngerasa seneng banget pokoke. Giye mertandakna nek wong-wong banyumas giye wonge maju-maju, maju kawerueh, maju budayane, maju cara mikire. Pokoke salah besar nek esih ana wong ngira wong utawa budaya banyumasan guwe pinggiran, apa maning nek ngarani mung kroco pilek.

Tapi enyong be mandan kawatir luh, aja-aja budayane dewek sing apik lan maju giye diaku-aku nang wong lia sing adoh umaeh sekang banyumas, ya kaelah sapa maning nek udu malingsia (waca=malaysia). Mulane aku ya setuju karo anggota milis banyumasan sing ngusulaken gawe Kartu Tanda Milis Banyumasan. Senajan giye kartu tanda milis, tapi kadangan nek bloger banyumasan utawa bloger jawa koek melu-melu ya kadangan tambah apik luh. Lah mengko nek ana acara kopi darat mung gari di gawa. Kira-kira keprimen kang/Yu?.

Giye gambar kertune

gambar sisih ngarep

gambar sisih mburi

Nek wong-wong ngarani sepur egreg, utawa sepur kruthuk, jan jane jeneng resmi sekang PT KAI yaguwe Kereta Api Campuran. Dijenengi sepur kruthuk utawa egreg sebab nek mlaku sepure brisik banget, nggole obah kenceng banget, kaya ana lindu 7 skala richter, suarane egrag-egrek, kruthak-kruthuk. Nek basa resmine diarani Kereta Api Campuran sebab sepure ana gerbong sing nggo penumpang lan gerbong sing nggo barang. Biasane gerbong sing nggo penumpang ana loro nang sebelah ngarep/mburi ndas sepur. Gerbong sing nggo barang nang paling mburi, jumlaeh biasane luwih akeh ketimbang gerbong sing nggo penumpang.

Sepur egreg ngelayani penumpang sekang stasiun banjar nang ciamis jawa barat gutul kroya nang cilacap jawa tengah lan sewalike. Setasiun-setasiun sing dilewati yaguwe banjar – rancakole – langen – cikawung – meluwung(mlewong) – cilongkrang – cipari – sidareja – gandrungmangu – sitinggil – kawunganten – kubangkangkung – jeruklegi – lebeng – kesugian – maos – sikampuh – kroya.

Sedinane ana rong sepur sing jalan. Siji mangkat kang kroya jam pitu isuk, gutul banjar jam rolas awan, terus jam siji balek maning meng kroya. Sing siji maning mangkat kang banjar jam pitu isuk, gutul kroya jam rolas awan terus balek maning meng banjar. Senajana kaya guwe sing nunggang ya akeh bae, malah nang permasi/gerbong penumpang sampe umpel-umpelan.

Sepur egrek klebune kelas ekonomi, malah sengisore maning (berarti kelas apa ya?) mulane sepure kalahan, maksude ya nek ana sepur gede (istilah nggo sepur ekonomi jarak adoh lan sepur-sepur kelas bisnis meng nduwur) mesti kon nunggu gisit. Sepure elek, semrawut, kotor. Nang jumblenge boro2 ana banyune. Jegongane be nganggo dingklik dawa, nek nang gerbong barang malah pada nglekor, sebab ora ana jegongane sih. Nek sing kang banjar biasane sing nunggang bakul-bakul kerupuk, nek kang kroya biasane sing nunggang bakul-bakul janganan.

Tapi sayange siki sepur egreg wis ora dijalakna maning nang PT KAI. Krungu-krungu sih alesane jerene ora ana untunge. Bisane ora untung sebab sing pada numpak ra pada tuku karcis, senenge langsung pada mbayar aring kondekture. Padahal jerene kan PT KAI salah siji perusahaan pemerentah sing ora ndinginaken untung utawa Perusahaan Jawatan.

Siki basa ora ana sepur egreg transportasi meng daerah pinggir wetan ciamis mandan engel, nek kepengin dolan meng cikawung be rasane dadi adoh. Nek arep nganggo mobil ndadak muter-muter. Sing paling melasi ya bakul janganan karo bakul kerupuk. Biasane nek tus belanja janganan nang kroya pada digawani nganggo sepur egreg. Gari diglethakna nang gerbong terus mbayar sewu rongewu wis beres. Tapi siki kudu karo mobil sing tentune mbayare luwih larang. Bakul kerupuk ya kaya guwe.

Aku jan jane mandan gumun karo pemerentaeh, khususe ya PT KAI, jan jane karepe kepriwe koh bisa-bisane kendaraan massal sing wis genah manfangati nggo masyarakat koh malah ora dijalakna maning?

gambare dijimot sekang kene

Mak jedul, ijig-ijig enyong kepengin gawe blog sing duwe ciri khas, blog sing liya sekang blog-blog liyane, kebeneran enyong uga kepengin gawe media sing cerita masalah masalah sing edek karo uripku, uripe wong jawa sing nek ngomong medok utawa jawa koek. Ya sisan nggawe aku gawe blog giye, blog sing tak jenengi “jakober”, jakober dewek singkatan sekang jawa koek bersaudara. Dadi nek rika ngerasa ngomong jawane medok, ya monggo pada bareng-bareng mbangun media giye, men tambah rame, tambah manfangati karo sapa bae.

Moga-moga blog giye manfangati karo rika kabeh, khususe men bisa kaya jenenge, ya guwe ndadekna wong-wong jawa khususe jawa koek dadi tambah sedulurane, tambah rukune, tambah rukete, lan tambah wawasane (wawasan sih cara jawa medoke apa yah kang/yu?).

Masalah sing ditulis mengkone ya apa baelah sing enyong bisa nulis. Sukur-sukur rika gelem melu ngisi blog giye.