Nyorog

Nek jaman mien nyorog karo sega mateng sekumplite, siki mung karo mie instant patang buntel

Nembe bae wulan puasane entek, wong mbaranggawe wis akeh maning. Ibarate bagekan jamur tumbuh di musim hujan, cara bangsarine ya diug. Sing jenenge kondangan pokoke langka pethile, ramaku bae sing mukur wong tani kluthuk sedina bisa pindo ping telu, andamaning nek ramane kang ipul utawa kang baha, bisa ora itungan ndean luh. Padahal sekali kondangan amplope seora-orane ya Rp 15.000 utawa nek wong wadon nggawa beras ya 3 kuthuk di tambaih tempe sejinah. Jajal nek di bandingna karo kasile wong tani sing embrete mung meng sawah ketemu ora jal?

Nang ndesa sing paling gawe rekasa pancen kondangane kang, guwe sambate wong-wong nang bangsari. Pokoke ora mukur tumprape sing kondangan, sing duwe hajat ya pada bae. Mulane ora ana istilah wong mbaranggawe bathi. Lah primen sih, nggo presmanane, corongane, nyoroge wis entek pirang-pirang. Mulane nek jaman mien wong nyorog karo sega mateng sekumplite, siki mung karo mie instant. Men mandan irit tur ya ora ribet.

Lah deneng ora karo uleman bae kaya nang njakarta? Ora pada mangkat kang nek mung di undang karo uleman. Ya maklum bae, merga saking akehe wong mbaranggawe tur sing nggo kondangan langka, nek ora perek-perek banget utawa ora di sorog pada bebeh mangkat. Perkara isin nek ketemu karo wong sing ngundang merga ora teka guwe urusan nomer loro.

Genah nek dirasa-rasa siki kondangan siki udu bentuk kepedulian sosial tapi malah dadi beban. Mulane kang/yu sing urung pada mbojo, nek rika arep mbojo hajatane ora usah nangumah. Nang kota tempate rika ngode bae ya🙂

7 thoughts on “Nyorog

    • lah nggole ngurangi primen jal mas? wong mbaranggawe genah dadi kebutuhan, malah kadang dadi tolak ukur status sosial nang masyarakat; nek mbaranggawene geden tur akeh sing kondangan berarti wonge terkenal utawa cara njakartane public figur, apikan, pinter srawung lan lia2ne. Mulane ora jarang sing di bela2ni utang utawa adol sawah nggo mbaranggawe, guweh jyan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s